MASHABIKI WA HISPANIA HAWASHIKIKI KWA UBAGUZI.

KIUNGO wa klabu ya Levante Papakouly Diop amesema alikuwa akiwajibu mashabiki waliokuwa wakimpigia kelele za nyani wakati akishangilia kwa kucheza mbele ya mashabiki wa Atletico Madrid baada ya ushindi wa mabao 2-0. Diop alizua hasira miongoni mwa wachezaji wa Atletico kwa kucheza mbele ya mashabiki wao waliosafiri kutizama mchezo huo ambao umetishia mbio zao za La Liga msimu huu. Nyota huyo wa kimataifa wa Senegal amesema alikuwa akienda kupiga mpira wa kona na baadhi ya mashabiki wa Atletico walianza kupiga kelele za nyani na ili kupuuzia kelele hizo akaamua acheze dansi. Tukio hilo limekuja ikiwa ni wiki moja baada ya nyota wa Barcelona kuila ndizi aliyorushiwa na mashabiki wakati wa mchezo wa La Liga dhidi ya Villareal.