MAYWEATHER KUDHIHIRISHA UBORA WAKE MBELE YA MAIDANA LEO.

BONDIA mahiri wa Marekani Floyd Mayweather amesema anahitaji kuwa fiti kwa kiwango cha juu ili aweze kumchapa Marcos Maidana wa Argentina katika pambano lao linalotarajiwa kufanyika leo. Mayweather ambaye hatawahi kupigwa ndio anayepewa nafasi kubwa kuibuka kidedea katika pambano hilo la kugombea mikanda ya WBC na WBA uzito wa welter litakalofanyika katika Ukumbi wa MGM Grand, Las Vegas. Bondia huyo mwenye umri wa miaka 37 amesema kama bondia huyo akipigana kwa kiwango chake cha juu pengine anaweza kumsukuma na kutumia mbinu zake za juu ili aweze kushinda kitu ambacho hajawahi kukifanya kwa mabondia wengine aliokutana nao. Mayweather alitamba kuwa mabondia wengine aliowachapa huko nyuma hawakumpa tabu sana hivyo alikuwa akicheza nao mchezo wa kawaida.