PAMOJA NA KUCHUKUA UBINGWA WA SERIE A, CONTE ADAI HANA UHAKIKA NA KIBARUA CHAKE.

MENEJA wa klabu ya Juventus, Antonio Conte amesema anatarajia kufanya mazungumzo majira ya kiangazi kuhusiana na suala la kubakia hapo msimu ujao baada ya kunyakuwa taji la Serie A. Kwa matokeo ya Roma kutandikwa mabao 4-1 na Catania jana, Juventus walithibitishwa mabingwa wa Italia kwa mara ya tatu mfululizo kabla yao wao kushinda bao 1-0 dhidi ya Atalanta jana. Conte aliwapongeza wachezaji wake kwa mafanikio waliopata kwa miaka michache lakini alidokeza kuwa hana uhakika kama atabakia klabuni hapo zaidi ya msimu huu uliomalizika. Conte amesema anaweza kuita ushindi huo wa kihistoria kutokana na mafanikio iliyopata timu yake kwa miaka mitatu haswa baada ya kumaliza katika nafasi ya saba kwa misimu miwili.