AC MILAN YAKATAA KUPOKEA OFA YA ARSENAL KWA AJILI YA BALOTELLI.

OFISA mkuu wa klabu ya AC Milan, Adriano Galliani amesisitiza kuwa hawajapokea ofa yoyote kutoka klabu ya Arsenal kwa ajili ya mshambuliaji wao Mario Balotelli. Inasemakana kuwa meneja wa Arsenal, Arsene Wenger alikutana na wakala wa mchezaji huyo Mino Raiola nchini Brazil kuzungumzia juu uwezekano wa uhamisho wa euro milioni 31. Lakini baada ta michuano ya Kombe la Dunia ambayo tulishuhudia Italia ikitolewa mapema katika hatua ya makundi, Arsenal wameonyesha kupoteza hamu ya kumsajili nyota huyo. Na Galliani sasa amethibitisha kuwa Arsenal hawajaonyesha nia ya kumtaka nyota huyo wa zamani wa klabu ya Manchester City. Kwa upande mwingine, kocha mpya wa Milan, Filippo Inzaghi bado ameendelea kumuweka balotelli katika mipango yake ya msimu mpya wa Ligi Kuu nchini Italia maarufu kama Serie A..