CHELSEA YAMUONGEZA ROMEU MIAKA MITATU.

KLABU ya Chelsea imetangaza kumpa mkataba mpya wa miaka mitatu kiungo wake, Oriol Romeu. Nyota huyo mwenye umri wa miaka 22 alihamia Chelsea akitokea Barcelona Agosti mwaka 2011 na sasa ametia saini ya kubakia Stamford Bridge mpaka mwaka 2017. Romeu amecheza mechi 16 akiwa na Chelsea katika msimu wake wa kwanza lakini majeruhi ya goti yamemnyima nafasi na kukwamisha kiwango chake. Toka wakati huo nyota huyo wa kimataifa wa Ufaransa amekuwa akipata wakati mgumu kupata namba katika kikosi cha kwanza hatua iliyopelekea kutolewa kwa mkopo katika timu ya Valencia msimu uliopita. Kwasasa Romeu amerejea tena Chelsea kwa ajili ya maandalizi ya msimu mpya na kucheza kwa dakika 70 wakati timu hiyo ikipata ushindi wa mabao 5-0 dhidi ya timu ya Wycombe Wanderers jana.