MADRID YAMWAGA FEDHA KWA AJILI YA RODRIGUEZ.

KLABU ya Real Madrid ya nchini Hispania imefikia makubaliano na klabu ya Monaco ya Ufaransa kwa ajili ya uhamisho wa mshambuliaji nyota James Rodriguez. Kama dili hilo likikamilika nyota huyo wa kimataifa wa Colombia atakuwa mchezaji wa tatu ghali zaidi katika historia ya soka ambapo Madrid wanatarajiwa kutoa kitita chaeuro milioni 88 sawa na kile alichonunuliwa Luis Suarez na Barcelona. Baada ya kumalizika mazungumzo baina ya vilabu sasa kilichobakia na mazungumzo juu ya maslahi binafsi ya mchezaji kabla ya kukamilisha rasmi uhamisho huo. Rodriguez ambaye alilazimisha uhamisho huo baada ya kuitumikia Monaco kwa msimu mmoja toka asajiliwe kwa dau kubwa kutoka FC Porto ataungana na nyota wengine kama Gareth Bale na Cristiano Ronaldo katika kuimarisha safu ya ushambuliaji.