ARSENAL YAKUBALI PAUNDI MILIONI 15 ZA BARCELONA KWA AJILI YA VERMAELEN.

KLABU ya Arsenal, imefikia makubaliano ya paundi milioni 15 na Barcelona kwa ajili ya mauzo ya nahodha wake Thomas vermaelen. Beki huyo wa kati wa kimataifa wa Ubelgiji mwenye umri wa 28 sasa inabidi afikie makubaliano binafsi na Barcelona na pia kufaulu vipimo vya afya ili dili hilo liweze kukamilika. Vermaelen alikuwa akiwindwa na Manchester United lakini walipoteza nia baada ya kukataa kufikia matakwa ya Arsenal ambao walikuwa wakitaka nao kuchukua mchezaji wao mmoja kama sehemu ya mpango huo. Uhamisho huo wa kwenda Barcelona unatarajiwa kukamilika mwishoni mwa wiki hii hivyo kukamilisha miaka mitano ya maisha ya Vermaelen jijini London. Vermaelen alijiunga na Arsenal akitokea Ajax kwa kitita cha paundi milioni 10 mwaka 2009 na amecheza mechi 150 katika mashindano yote.