NINA WASHAMBULIAJI WA KUTOSHA - GUARDIOLA.

MENEJA wa klabu ya Bayern Munich, Pep Guardiola amesisitiza kuwa ana furaha na kikosi chake kilivyo pamoja na na tetesi za kumtaka nyota wa Borussia Dortmund Marco Reus. Bayern walimsajili Mario Gotze na Robert Lewandowski kutoka kwa mahasimu wao hao wa Bundesliga katika kipindi cha kiangazi na sasa wamekuwa wakihusishwa na tetesi za kumtaka nyota huyo mwenye umri wa miaka 25. Hata hivyo, Guardiola anadhani kuwa kwasasa ana washambuliaji wa kutosha pamoja na kulalamika juu ya afya za wachezaji wake jana. Akihojiwa Guardiola amesema tayari ana washambuliaji nane hivyo hahitaji tena mchezaji mpya kwani ameridhika na alionao. Bayern ambao wameshinda taji la Bundesliga msimu uliopita wanatarajiwa kukwaana na Dortmund baadae leo katika Uwanja wa Signal Iduna Park katika mchezo wa kugombea taji la Super Cup. Dortmund ambao walishinda taji hilo la kufungua msimu mwaka jana, walimaliza katika nafasi ya pili katika michuano yote ya Kombe la Ujerumani au DFB Pokal na Bundesliga.