ROONEY NAHODHA MPYA UNITED.

KLABU ya Manchester United imemteua Wayne Rooney kama nahodha wao mpya. Nyota huyo wa kimataifa wa Uingereza mwenye umri wa miaka 28, anachukua nafasi ya Nemanja Vidic ambaye aliondoka kwenda Inter Milan wakati Darren Fletcher yeye atakuwa nahodha msaidizi. Rooney anatarajiwa kuingoza United katika mchezo wa ufunguzi wa Ligi Kuu dhidi ya Swansea City utakaochezwa Old Trafford Agosti 16 mwaka huu. Akihojiwa Rooney amesema ni heshima kubwa kwake kupewa unahodha hivyo ataitumikia nafasi hiyo moyo na kujituma na kumshukuru meneja Louis van Gaal kwa kumuamini. Ronney alithibitishwa nahodha baada ya ushindi wa mabao 2-1 katika mchezo wa kirafiki dhidi ya Valencia jana usiku, ukiwa ni mchezo wa kwanza kwa Van Gaal kushinda Old Trafford.