BENITEZ ATAMBA NAPOLI KUONYESHA UBORA WAKE KATIKA EUROPA LEAGUE.

MENEJA wa klabu ya Napoli, Rafael Benitez amewataka wachezaji wake kuonyesha ubora wao katika mchezo wao wa Europa League utakaochezwa baadae leo dhidi ya timu ya Young Boys ya Switzerland. Young Boys kwasasa ndio wanaongoza kundi I baada ya ushindi wao dhidi ya Napoli katika mchezo uliopita huku Sparta Prague wakifungana alama na kikosi hicho cha Benitez katika nafasi ya pili na tatu. Napoli itaikaribisha Young Boys huko San Paulo wiki hii na Benitez ana uhakika kiwango cha kikosi chake walichonacho hivi sasa kinaweza kuwasaidia kurejesha matumaini yao barani Ulaya. Benitez amesema anaamini ana kikosi kizuri lakini inabidi waonyeshe ubora wao pindi watakapokuwa uwanjani.