RODGERS KUMPUMZISHA GERRARD KATIKA MCHEZO DHIDI YA REAL MADRID.

MENEJA wa klabu ya Liverpool, Brendan Rodgers amesema anaweza kumpuzisha nahodha wake Steven Gerrard katika mchezo wao wa Ligi ya Mabingwa Ulaya utakaochezwa baadae leo. Rodgers amesema msimu huu anatoa kipaumbele kwa Ligi Kuu zaidi kuliko michuano hiyo ndio maana anafikiria kumpumzisha nahodha wake huyo ili aweze kuwa imara katika mchezo wao wa Jumamosi hii dhidi ya Chelsea utakaochezwa Anfield. Mkataba wa Gerrard unatarajiwa kumalizika mwishoni mwa msimu huu na amekuwa akihusishwa na tetesi za kuhamia Manchester City. Pamoja na ubora wa Madrid, Rodgers haoni kama kutakuwa na tatizo kwa kuwapumzisha baadhi ya nyota wake kwa ajili ya mchezo dhidi ya Chelsea.