CLUB WORLD CUP 2014: MADRID KUANZA KIBARUA CHAKE DHIDI YA CRUZ AZUL huko MARRAKECH.

MABINGWA wa Ulaya Real Madrid wanatarajiwa kuingia uwanjani baadae leo kwa ajili ya mchezo wa nusu fainali dhidi ya timu ya Cruz Azul ya Mexico ambao ni mabingwa wa Amerika Kaskazini na Kati-Concacaf. Mchezo huo wa michuano ya Klabu Bingwa ya Dunia unatarajiwa kuchezwa jijini Marrakech, Morocco. Katika mchezo huo Madrid itawakosa nyota wake James Rodriguez na Luka Modric ambao ni majeruhi huku Sami Khedira pekee akiwa na uwezekano wa kucheza fainali ikiwa watafanikiwa kuifunga Cruz Azul. Mbali na mchezo huo, pia kutakuwa na nusu fainali nyingine kesho ambayo itawakutanisha mabingwa wa Amerika Kusini San Lorenzo ya Argentina dhidi ya mabingwa Oceania Auckland City ya New Zealand.