MAN UNITED WANAWEZA KUNYAKUWA TAJI LA LIGI KUU - NEVILLE.

BEKI wa zamani wa klabu ya Manchester United, Phil Neville amedai kuwa timu hiyo inaweza kunyakuwa taji la Ligi Kuu msimu huu. United ilipata ushindi wake wa sita mfululizo kwa kuitandika Liverpool kwa mabao 3-0 Jumapili iliyopita hivyo kuwafanya kujikita katika nafasi ya tatu wakiwa nyumba ya vinara Chelsea kwa alama nane. Akihojiwa Neville amesema United wanaweza kunyakuwa taji hilo kwani wachezaji wake wanaamini wanaweza kama ilivyo kwa meneja wao Louis van Gaal. Neville ambaye amewahi kushinda mataji sita ya Ligi Kuu enzi akiwa mchezaji Old Trafford, alikuwa sehemu ya benchi la ufundi la timu hiyo iliyokuwa chini ya David Moyes msimu uliopita.