CLUB WORLD CUP 2014: SAN LORENZO KUKWAANA NA MADRID FAINALI.

MABINGWA wa soka wa Amerika Kusini klabu ya San Lorenzo ya Argentina jana wametinga katika hatua ya fainali ya michuano ya Klabu Bingwa ya Dunia baada ya kuicharanga Auckland City ambao ni mabingwa wa Oceania kutoka New Zealand. San Lorenzo walifanikiwa kutinga hatua hiyo baada ya kushinda mabao 2-1 dhidi ya Auckland City katika mchezo uliolazimika kwenda katika muda wa nyongeza baada ya timu hizo kutoka sare ya bao 1-1 katika muda wa kawaida. Klabu hiyo itakuwa ikijaribu kuwa timu ya kwanza kutoka Argentina kushinda taji la michuano hiyo toka ilipoanzishwa kwa mfumo wa sasa mwaka 2005. Lakini haitakuwa kazi rahisi kwani watakuwa wakipambana na Real Madrid katika mchezo wa fainali ambao unatarajiwa kuchezwa Jumamosi hii jijini Marrekech, Morocco.