GULLIT ASHANGAZWA NA USAJILI WA SUAREZ.

NGULI wa soka wa Uholanzi, Ruud Gullit amekiri kushangazwa na Barcelona kumsajili Luis Suarez na kuhoji uwezo wa nyota huyo wa kimataifa wa Uruguay uliomfanya kuvunja rekodi ya usajili. Suarez aliondoka Liverpool Julai mwaka huu kwenda Barcelona kwa kitita cha euro milioni 81 lakini Gullit hadhani kama mchezaji ana hadhi ya kuwa na thamani hiyo kubwa. Akihojiwa Gullit amesema ameshangazwa kumuona Suarez akiwa Barcelona na hajui ni kwa muda atakuwepo hapo. Suarez alifanikiwa kufunga bao lake la kwanza La Liga baada ya kucheza mechi nane Jumamosi iliyopita wakati Barcelona ilipoigaragaza Cordoba kwa mabao 5-0.