KLABU BINGWA YA DUNIA 2014: AUCKLAND WAWACHAPA MABINGWA AFRIKA SETIF.

KLABU ya Auckland City jana imefanikiwa kuifunga Entente Setif kwa bao 1-0 na kujihakikishia nafasi ya kucheza nusu fainali ya michuano ya Kombe la Klabu Bingwa ya Dunia kwa mara ya kwanza katika historia yao. Huo unakuwa ushindi wa pili kwa Auckland ya Zealand baada ya kuifunga Moghreb Tetouan ya Morocco kwa changamoto ya mikwaju ya penati Jumatano iliyopita. Auckland walifuzu kushiriki michuano hiyo wakiwa mabingwa wa Oceania na kuweka rekodi kushiriki michuano hiyo kwa mara ya sita. Auckland sasa watakwaana na San Lorezo ya Argentina ambao wenyewe walifuzu kama mabingwa wa Amerika Kusini, katika mchezo wa nusu fainali utakaochezwa huko Marrakesh. Setif sasa watajipoza katika kutafuta mshindi wa tano wakati watakapopambana na Western Sydney Warriors kutoka Australia ambao walifungwa na Cruz Azul ya Mexico katika robo fainali nyingine. Cruz Azul wao watawavaa mabingwa wa Ulaya Real Madrid katika nusu fainali nyingine itakayofanyika huko Rabat.