KOCHA WA BARCELONA ATAMBA KUIFUNGA MAN CITY.

MENEJA wa klabu ya Barcelona, Luis Enrique anaamini Manchester City ambao wamepangwa kucheza nao katika hatua ya timu 16 bora ya michuano ya Ligi ya Mabingwa Ulaya, ni moja ya timu zinazopewa nafasi ya kunyakuwa taji la michuano hiyo. Ushindi wa mabao 2-0 iliyopata City dhidi ya Roma ulitosha kuivusha timu hiyo katika hatua ya mtoano na sasa wamepangwa kucheza na Barcelona ambao walikutana pia katika hatua kama hiyo msimu uliopita. Enrique amewaonya wachezaji wake kutegemea mchezo mgumu kukota katika kikosi cha City kinachonolewa na Manuel Pellegrini lakini ana uhakika wanaweza kusonga mbele kama watacheza soka safi. Akihojiwa na wanahabari mara baada ya kutangazwa ratiba hiyo, Enrique amesema City ni timu ngumu hivyo ana uhakika utakuwa mchezo mgumu lakini kama wakicheza katika kiwango cha juu hana kwamba watasonga mbele. Timu hizo zilikutana tena msimu uliopita katika hatua hiyo ambapo Barcelona walizonga mbele kwa jumla ya mabao 4-1 na kutinga robo fainali ya michuano hiyo.