LIVERPOOL YATAMANI KUIKWEPA NAPOLI.

KLABU ya Liverpool, itakuwa na matumaini na kuikwepa Napoli pamoja na kocha wao wa Rafa Benitez katika ratiba ya michuano ya Europa League timu 32 bora inayotarajiw akufanyika jijini Nyon, Ufaransa JUmatatu ijayo. Liverpool walienguliwa katika michuano ya Ligi ya Mabingwa barani Ulaya katika hatua ya makundi Jumanne iliyopita kufuatia kutoa sare na Ludogorets hivyo kuangukia katika michuano hiyo ya pili kwa ukubwa barani Ulaya. Lakini pamoja na kupewa nafasi ya kufanya vizuri na kushinda taji la michuano hiyo, Liverpool inayonolewa na Brandan Rodgers itapangwa kama washindi wa pili katika ratiba hiyo. Kutokana na utaratibu ulivyo katika michuano hiyo timu zote zilizoshindwa kufuzu michuano ya Ligi ya Mabingwa hupangwa kama washindi wa pili katika makundi ya Europa League. Timu zilizoongoza makundi yao katika michuano hiyo ni pamoja na Olympiakos, Zenit Saint Petersburg, Sporting Lisbon, Athletic Bilbao, Red Bull Salzburg, Dinamo Moscow, Everton, Inter, Fiorentina, Gladbach, Brugge, Besiktas, Legia Warsaw, Dynamo Kiev, Feyenoord, Napoli. Huku zile timu zilizoshika nafasi ya pili zikiwa ni Anderlecht, Ajax, Liverpool, Villarreal, Torino, Tottenham, Celtic, PSV, Dnipro, Aalborg, Guingamp, Trabzonspor, AaB, Young Boys, Wolfsburg, Sevilla.