HODGSON ATHIBITISHA KUMJUMUISHA KANE KATIKA KIKOSI CHAKE MWEZI UJAO.

KOCHA wa timu ya taifa ya Uingereza, Roy Hodgson amethibitisha kuwa mshambuliaji wa klabu ya Tottenham Hotspurs Harry Kane atakuwemo katika kikosi chake kijacho kwa ajili ya mechi dhidi ya Lithuania na Italia zitakazochezwa mwezi ujao. Hodgson amemuelezea nyota huyo mwenye umri wa miaka 21 ambaye amefunga mabao 23 katika mechi 35 alizocheza msimu huu, kama mshambuliaji wa kati aliyekamilika kwa kila kitu. Kocha aliendelea kudai kuwa juhudi kubwa alizoonyesha msimu huu zinamfanya astahili nafasi katika kikosi chake. Kane alianza kukitumikia kikosi cha kwanza Spurs Aprili mwaka huu.