PAMOJA NA IVORY COAST KUTINGA FAINALI, RENARD ADAI KIKOSI CHAKE HAKIKUMFURAHISHA.

KOCHA wa timu ya taifa ya Ivory Coast, Herve Renard amedai kuwa kikosi chake kiliwadharau wapinzani wao wakati walipotinga fainali ya michuano ya Mataifa ya Afrika kwa kuwachapa Jamhuri ya Kidemokrasia ya Congo-DRC kwa mabao 3-1. Akihojiwa na wanahabari mara baada ya mchezo huo Renard amesema hakuupenda mchezo huo kwani walicheza kirahisi na hawakuwaheshimu wapinzani ambao walipambana kutoka nyuma na kuifunga Congo Brazzaville katika hatua ya robo fainali. Kocha huyo aliendelea kudai kuwa wachezaji wake hawakuonyesha uchu wa wazi kwani DRC siku zote ni timu hatari kutokana na kasi waliyokuwa nayo katika kushambulia kwa kushtukiza wakiwatumia vyema nyota wao Dieumerci Mbokani na yannick Bolasie. Pamoja na hayo lakini Renard ambaye alishinda taji hilo mwaka 2012 akiwa na Zambia, anashukuru wametinga fainali na wana matumaini ya kuondoka na kombe hilo na kulipeleka jijini Abidjan.