BA AKUBALI KUREJEA SENEGAL.

MSHAMBULIAJI nyota wa kimataifa wa Senegal, Demba Ba amethibitisha kuwa tayari kurejea katika kikosi cha timu ya taifa baada ya kutokuwa na maelewano na kocha wa zamani Alain Giresse. Ugomvi wa kati ya mshambuliaji huyo anayekipiga katika klabu ya Besiktas na Giresse ulipekea kuachwa katika kikosi cha nchi hiyo kilichoshiriki michuano ya Mataifa ya Afrika iliyofanyika huko Guinea ya Ikweta mapema mwaka huu. Kocha mpya aliyeteuliwa kuinoa nchi hiyo Aliou Cisse tayari ameshazungumza na Ban a kumaliza tofauti zilizokuwepo na kuna uwezekano akawepo katika mchezo wa kirafiki dhidi ya Ghana Machi 28 mwaka huu. Akihojiwa Ba alithibitisha kuzungumza na kocha huyo na kwamba sasa yuko tayari kwa ajili ya kulitumikia taifa lake.