JOVETIC KUMKIMBIA BONY CITY.

MSHAMBULIAJI wa Manchester City, Stevan Jovetic yuko tayari kuihama timu hiyo na kuna uwezekano akahamia Inter Milan. Joventic ameendelea kutokuwa chaguo la mabingwa hao wa Ligi Kuu ambao walimsajili Wilfried Bony Januari mwaka huu na mwenyewe kwenda mahali ambapo atapata muda mwingi wa kucheza. Mancini aliwahi kujaribu kumsajili Jovetic wakati akiwa Fiorentina kabla hajatimuliwa City na mpaka sasa ameendeleza nia yake ya kumuhitaji mshambuliaji huyo. Nyota huyo anaonekana yuko tayari kwenda Inter ambao wako tayari kutoa kitita cha euro milioni 17 kwa ajili ya kupata saini yake. Lakini ofa hiyo inaweza kukataliwa kwani City wenyewe wanataka kitita cha euro milioni 25 kwa ajili ya kumuachia nyota huyo wa kimataifa wa Montenegro.