MESSI ATUPIA MBILI BARCELONA IKIUA.

MSHAMBULIAJI nyota wa Barcelona, Lionel Messi jana alifunga mabao mawili na kufikisha jumla ya mabao 43 msimu huu wakati timu hiyo ilipoichapa Eibar na kujiimarisha katika msimamo wa La Liga. Ushindi huo sasa unaifanya Barcelona kujikita kileleni kwa tofauti ya alama nne dhidi ya mahasimu wao Real Madrid ambao wenyewe watacheza leo dhidi ya Levante. Barcelona wanaonolewa na Luis Enrique wanakabiliwa na mchezo mgumu wa michuano ya Ligi ya Mabingwa Ulaya Jumatano ijayo dhidi ya Manchester City. Hivyo ushindi wa jana utakuwa mwanzo mzuri kwao kuelekea katika mchezo huo huku wakiwa mbele kwa mabao 2-1 waliyopata katika mchezo wa mkondo wa kwanza.