BA ALAUMU MASHABIKI BAADA YA BESIKTAS KUTOLEWA EUROPA LEAGUE.

MSHAMBULIAJI wa Besiktas ya Uturuki, Demba Ba anaamini kikosi chao kingetinga robo fainali ya michuano ya Europa League jana kama mashabiki wao wasingewageuka jijini Instabul. Besiktas walikuwa wakiongoza kwa bao 1-0 mpaka katikati ya kipindi cha pili lakini walishindwa kuendelea kushikilia ushindi huo na kujikuta wakichapwa mabao 3-1 na Club Brugge ya Ubelgiji hiyo kuyaaga mashindano hayo kwa kufungw ajumla ya mabao 5-2. Nyota huyo wa zamani wa Chelsea, aliwakosoa mashabiki wao kwa jinsi walivyokuwa wakimzomea golikipa Tolga Zengin na kusisitiza wangeweza kuupeleka mchezo huo katika muda wa nyongeza kama mashabiki wangekuwa upande wao. Ba amesema walicheza vyema na kuwazdi maarifa wapinzani wao katika kipindi cha kwanza na kama mashabiki wangeendelea kuwaunga mkono ana uhakika wangeweza kuvuka kikwazo hicho pamoja.