HERRERA ADAI PORTO IMEPANIA KUFIKA FAINALI.

KIUNGO wa klabu ya FC Porto Hector Herrera amesema kikosi chake kimepania kutinga hatua fainali ya michuano ya Ligi ya Mabingwa Ulaya baada ya kujihakikishia nafasi ya robo fainali kwa kuichapa FC Basel kwa mabao 4-0. Porto haijawahi kutinga hatua hiyo toka msimu wa 2008-2009 wakati walipong’olewa na Manchester United, lakini jana walifanikiwa kuvuka kigingi hicho kwa ushindi wa jula ya mabao 5-4 katika mechi walizokutana. Akihojiwa Herrera amesema wametimiza malengo mazuri waliyojiwekea jambo ambalo ni zuri kwa klabu kwani linaongeza morali zaidi kwa ajili ya mechi zao zijazo. Herrera aliendelea kudai kuwa wanachotakiwa kufanya ni kuongeza bidii ili kuhakikisha wanaendelea kubakia katika mashindano hayo na hata kufikia hatua ya fainali.