KIUNGO WA SOUTHAMPTON AIKANA ARSENAL.

KIUNGO wa klabu ya Southampton Mogan Schneiderlin amesisitiza kuwa hajafanya mawasiliano yeyote na klabu ya Arsenal lakini amesema kuna timu nyingi zinamuhitaji. Nyota huyo wa kimataifa wa Ufaransa alikuwa katika rada za meneja wa Tottenham Hotspurs Mauricio Pochettino katika majira ya kiangazi mwaka jana lakini Southampton waligoma kumuuza hatua ambayo ilimkasirisha mchezaji huyo. Klabu za Arsenal na Manchester United nazo zimekuwa zikihusishwa na kinyang’anyiro cha kuwania kumsajili nyota huyo mwenye umri wa miaka 25 ambaye amekuwa mchezaji muhimu katika kikosi cha Southampton msimu huu. Hata hivyo pamoja na tetesi hizo Schneiderlin amesema hajafanya mazungumzo yeyote na Arsene Wenger au klabu yeyote kati ya zilizoonyesha nia ya kutaka kumsajili. Nyota aliendelea kudai kuwa ansubiria wakati muafaka ili aweze kuhamia katika klabu mojawapo kubwa kati ya zinazomtaka.