ROBBEN AMPA TANO MOURINHO KWA KUMSAIDIA WAKATI AKIWA CHELSEA.

MSHAMBULIAJI wa Bayern Munich, Arjen Robben amempongeza meneja wa Chelsea Jose Mourinho kwa mtu muhimu katika maisha yake ya soka. Nyota huyo wa kimataifa wa Uholanzi alifanya kazi chini Mourinho wakati akiitumikia Chelsea kuanzia mwaka 2004 mpaka 2007 lakini baadae aliruhusiwa na kwenda kujiunga na Real Madrid. Toka wakati huo Robben amekuja kuwa mmoja kati ya wachezaji bora kabisa duniani na hana kinyongo chochote na Mourinho ambaye ndiye aliyemuuza Madrid. Akihojiwa Robben amesema Mourinho alikuwa kocha mzuri na aliyependa usawa, lakini tatizo pekee ni wakati akisumbuliwa na majeruhi hivyo akamuondoa katika mipango yake. Robben ameendelea kudai kuwa kilikuwa kipindi kigumu kwa wote lakini kisoka mambo kama hayo ni kawaida kutokea kwani jambo muhimu alimsaidia kiakili. Nyota anakiri kuwa Mourinho ndiye alimkuza kwani aliwasili Chelsea akiwa bado ana miaka 20 na tatizo pekee lililokuwa likimsumbua ni majeruhi ya mara kwa mara.