KOCHA WA SPURS ADAI KUSAHAU KIPIGO CHA UNITED.

MENEJA wa klabu ya Tottenham Hotspurs, Mauricio Pochettino amesema kikosi chake kiko tayari kusahihisha makosa yao yaliyowafanya kuchapwa na Manchester United wakati watakapoikaribisha Leicester City kesho katika Uwanja wa White Lane Park. Kipigo kizito cha mabao 3-0 walichopata Old Trafford kilififisha matumaini yao ya kuwemo katika nafasi nne za juu katika msimamo wa Ligi Kuu. Akihojiwa kuelekea katika mchezo huo, Pochettino amesema wiki hii hana haja ya kuzungumza sana kwani walishakubaliana kuhusu kilichotokea Old Trafford hivyo kila kimekuwa rahisi kurekebisha. Kocha huyo aliendelea kudai kuwa kila mtu alisononeshwa na matokeo yale baada ya mchezo lakini jambo muhimu ni kusahihisha makosa tayari kwa mchezo wao ujao na wameshafanya hilo. Naye meneja wa Leicester Nigel Pearson amewataka wachezaji kutokukata tamaa katika mapambano yao ya kubakia Ligi Kuu lakini amekiri anakabiliwa na kibarua kigumu kutokana na mechi 10 walizobakiwa nazo msimu huu.