MOURINHO ADAI LUIZ HAKUSTAHILI KUWA MAN OF THE MATCH.

MENEJA wa Chelsea, Jose Mourinho anaamini beki wa Paris Saint-Germain David Luiz anapaswa kusimamishwa kucheza mchezo war obo fainali ya michuano ya Ligi ya Mabingwa Ulaya baada ya kuonekana akimpiga kiwiko Diego Costa katika mchezo wao wa jana. Luiz alikuwa akipambana na Costa katika muda wote wa mchezo huo ambao ulimalizika kwa sare ya mabao 2-2 na kuifanya PSG kusonga mbele kwa faida ya bao la ugenini. Nyota huyo wa kimataifa wa Brazil alipewa tuzo ya mchezaji bora wa mechi hiyo na Shirikisho la Soka la Ulaya-UEFA lakini Mourinho amesisitiza kuwa Luiz anapaswa kusimamishwa katika mchezo unaofuata kwasababu alidhamiria kumpiga kiwiko Costa. Mourinho amesema Luiz hakupaswa kupewa zawadi hiyo kwani alikuwa akicheza faulo nyingi na mojawapo ni ile ya kumpiga Costa.