MOURINHO AKIRI KUZIDIWA MAARIFA NA PSG.

MENEJA wa klabu ya Chelsea, Jose Mourinho amedai Paris Saint-Germain waliwazidi maarifa wakati wa mchezo wao wa Ligi ya Mabingwa Ulaya ambao waling’olewa katika hatua ya timu 16 bora bora. Mabingwa hao wa Ufaransa, nyowa wao Zlatan Ibrahimovic akitolewa nje katika kipindi cha kwanza kwa kumchezea faulo Oscar lakini upungufu huo haukutosha kuipa nafasi Chelsea kusonga mbele. Mourinho alikosoa mbinu za kibabe zilizokuwa zikitumiwa na PSG katika mchezo wao wa mkondo wa kwanza na anadhani wapinzani wao hao walirudia mchezo kama huo jana. Akihojiwa Mourinho amesema PSG walifanya kama walivyofanya katika mchezo wa kwanza kwa kucheza kibabe na faulo nyingi suala ambalo katika soka la Uingereza halikubaliki. Hata hivyo Mourinho alikiri kuwa walishindwa kumudu mchezo huo kwasababu wapinzani wao walikuwa imara zaidi ndio maana hata walipokuwa pungufu walishindwa kutumia mwanya huo. Kocha huyo aliendelea kudai kuwa sasa wanaelekeza nguvu zao katika Ligi Kuu kwasababu wana mchezo muhimu Jumapili hii.