MULLER ATAMBA BAYERN NDIO BORA ULAYA MSIMU HUU.

MSHAMBULIAJI wa Bayern Munich, Thomas Muller amedai kuwa kikosi chao ndio bora barani Ulaya msimu huu kuelekea katika hatua ya robo fainali ya michuano ya Ligi ya Mabingwa Ulaya. Bayern walituma salamu kwa mahasimu wao Ulaya wakati walipoichapa Shakhtar Donetsk kwa mabao 7-0 jijini Munich katika hatua ya timu 16 bora mchezo wa mkondo wa pili baada ya kung’ang’aniwa sare ya bila kufungana huko Ukraine. Mabingwa hao wa Ulaya mwaka 2013, wamepania kucheza fainali ya michuano hiyo ambayo safari hii itachezwa katika ardhi ya katika Uwanja wa Olimpiki uliopo jijini Berlin na Muller amesema Bayern itakuwa miongoni mwa majina makubwa katika ratiba itakayopangwa huko Nyon kesho. Muller amesema kwa jinsi walivyokuwa imara katika hatua za makundi pamoja na kuweka alama katika hatua ya mtoano kwa kushinda mabao mengi, anadhani wao ndio timu bora msimu huu katika ligi ya Mabingwa. Mechi za robo fainali ya michuano hiyo zinatarajiwa kuchezwa katika kipindi cha Aprili 14 na 15 na Aprili 21 na 22.