NEYMAR ADAI BARCELONA INAWEZA KUSHINDA MATAJI MATATU KWA MKUPUO.

MSHAMBULIAJI nyota wa Barcelona, Neymar amedai kuwa timu hiyo inaweza kurudia moja ya misimu yake bora katika historia kwa kunyakuwa mataji matatu msimu huu. Nyota huyo wa kimataifa wa Brazil amesema safu yao ya ushambuliaji ambayo inawajumuisha Luis Suarez na Lionel Messi ni bora kuliko ile mahasimu wao Real Madrid yenye nyota kama Cristiano Ronaldo, Gareth Bale na Karim Benzema. Barcelona mpaka sasa wako katika mbio za mataji matatu ya La Liga, Ligi ya Mabingwa Ulaya na Kombe la Mfalme. Neymar amesema wana kikosi ambacho wanaweza kufikiria kushinda mataji matatu kwa mkupuo. Barcelona imewahi kushinda mataji matatu kwa mkupuo msimu wa mwaka 2008-2009, lakini kikosi cha sasa kimeanza kupata nguvu wakati Madrid wakiwa wanasuasua.