RODGERS AANZA KUCHONGA.

MENEJA wa klabu ya Liverpool, Brendan Rodgers ametamba kuwa kiwango cha timu cha timu yake hivi sasa kinaipa nafasi ya kumaliza atika nafasi ya pili katika msimamo wa Ligi Kuu msimu huu. Liverpool jana wameshinda mechi yao ya tano mfululizo baada ya kuichabanga Swansea City kwa bao 1-0 ambalo lilifungwa na Jordan Henderson. Ushindi unaifanya kukwea mpaka nafasi ya tano huku wakiwa wamebakisha michezo tisa na wako nyuma ya Manchester City wanaoshika nafasi ya pili kwa alama nne. Akihojiwa mara baada ya mchezo huo, Rodgers amesema matokeo ya mwishoni mwa wiki iliyopita ya City yamewapa nafasi ya kumaliza katika nafasi ya pili. Liverpool wako nyuma ya Manchester United wanaoshika nafasi ya nne kwa tofauti ya alama mbili na wanaweza kuwapita kama wakifanikiwa kuwafunga katika mchezo wa Jumapili hii utakaochezwa Anfield.