SUNDERLAND YAMCHUKUA ADVOCAAT.

KLABU ya Sunderland imethibitisha kumteua Dick Advocaat kuinoa timu hiyo kwa kipindi hiki kifupi cha msimu kilichobakia. Kocha huyo mzoefu kutoka Uholanzi anachukua mikoba ya Gus Poyet ambaye ametimuliwa Jana kufuatia kipigo cha mabao 4-0 walichopata nyumbani kutoka kwa Aston Villa. Advocaat aa uzoefu wa zaidi ya miaka 30 katika nafasi ya ukocha akiwa amewahi kuzinoa timu za PSV, Rangers na Zenit Saint-Petersburg lakini hajawahi kufundisha timu yeyote ya Ligi Kuu. Akihojiwa Advocaat amesema anafahamu Sunderland ni timu kubwa na yuko tayari kukabiliana na changamoto zozote zilizoko mbele yake.