ANCELOTTI AKIRI RONALDO AMEIMARIKA BAADA YA KUBADILI MFUMO.

MENEJA wa Real Madrid, Carlo Ancelotti amesema Cristiano Ronaldo anaimarika zaidi katika safu ya ushambuliaji baada ya timu hiyo kuichapa Eibar kwa mabao 3-0 jana. Nyota huyo wa kimataifa wa Ureno ndiye aliyefungua ukurasa wa mabao katika dakika ya 21 kwa mpira wa adhabu. Sasa Ronaldo anafikisha mabao saba katika mechi sita za La Liga zilizopita baada ya kufunga mabao matano katika mchezo waliowagaragza Granada kwa mabao 9-1 huku akifunga lingine katika mchezo walioshinda mabao 2-0 dhidi ya Rayo Vallecano Jumatano iliyopita. Akihojiwa Ancelotti amesema Ronaldo anafurahia kucheza kwasababu timu sasa inacheza kwa kasi zaidi na kumpa nafasi zaidi mbele ya lango la wapinzani. Kocha huyo aliendelea kudai kuwa kikosi chake kinaendelea kuimarika na kutengeneza nafasi zaidi za kufunga jambo ambalo ni muhimu kwao hivi sasa.