BALE PANCHA TENA.

WINGA mahiri wa klabu ya Real Madrid, Gareth Bale anatarajiwa kukosa mchezo wa La Liga kati ya timu yake dhidi ya Rayo Vallecano kesho kutokana na majeruhi ya mguu. Akiongeza na wanahabari leo meneja wa Madrid Carlo Ancelotti alithibitisha taarifa hizo na kudai kuwa bado wanaendelea kufuatilia maendeleo yake. Nyota huyo wa kimataifa wa Wales alifunga bao la kuongoza katika ushindi wa mabao 9-1 waliopata dhidi ya Granada Jumapili iliyopita lakini hata hivyo Ancelotti hawezi kukosa mbadala wa Bale kwani nyota wengine kama Isco, James Rodriguez, Luka Modric na Toni Kroos wote wako fiti. Ancelotti amesema wanakabiliwa na mechi kila baada ya siku tatu mpaka itakapofika mwanzoni mwa Mei hivyo suala la mzunguko litakuwa muhimu. Kocha huyo aliendelea kudai kuwa anafanya hivyo ili kuepusha uchovu kwa wachezaji na hatari ya kuumia haswa katika kipindi hiki cha mwisho wa msimu.