FLOYD "MONEY" MAYWEATHER AANZA KUONYESHA JEURI YA FEDHA.

BONDIA Floyd Mayweather anaweza kuvaa kifaa cha kinga ya mdogo chenye thamani ya dola 25,000 ambacho kitakuwa kimenakshiwa kwa noti za dola 100 katika pambano lake la ubingwa wa dunia uzito wa welter dhidi ya Manny Pacquiao. Oda ya kifaa hicho pia inadaiwa kunakshiwa na dhahabu na almasi. Akihojiwa na mtandao wa TMZ, Mayweather amesema amekuwa akipanda ulingoni kupigana kwa miaka 19 na ameweza kutunza tabasamu lake. Mayweather mwenye umri wa miaka 38 ambaye pia anajulikana kwa jina la Money anatarajiwa kuingiza kiasi cha paundi milioni 122 katika pambano hilo linalosubiriwa kwa hamu hapo Mei 2 mwaka huu. Hata hivyo kiasi hicho alicholipa Mayweather kwa ajili ya kifaa hicho hakifikii kile alichotoa bondia wa Uingereza Amir Khan aliyetoa kiasi cha paundi 30,000 kwa ajili ya bukta aliyotumia katika pambano lake dhidi ya Devon Alexander Desemba mwaka jana.