GIROUD AANZISHA VITA YA MABAO NA SANCHEZ.

MSHAMBULIAJI wa Arsenal, Olivier Giroud anatumaini kufunga mabao zaidi kuliko Alexis Sanchez msimu huu na kuisaidia timu hiyo kunaliza katika nafasi nne za juu katika msimamo wa Ligi Kuu. Sanchez alianza vyema msimu lakini amekuja kukwama katika siku za karibuni kwa kujikuta akifunga bao moja katika mechi saba za ligi zilizopita alizocheza wakati katika kipindi hichohicho Giroud yeye amefunga mabao nane. Wachezaji wote wawili sasa wamefungana kwa kuwa na mabao 13 kila mmoja na Giroud anataka kumaliza akiwa kinara wa ufungaji na kuisaidia klabu hiyo kupata nafasi ya kufuzu michuano ya Ligi ya Mabingwa Ulaya. Akihojiwa nyota huyo wa kimataifa wa Ufaransa amesema angependa zaidi kufunga mabao zaidi ya mwenzake ili kuisaidia timu kutimiza malengo yake.