KOCHA WA LIVERPOOL AMVULIA KOFIA COUTINHO.

MENEJA wa Liverpool, Brendan Rodgers anaamini Philippe Coutinho yuko katika kiwango chake bora kabisa baada ya kucheza vyema katika mchezo walioshinda mabao 2-0 dhidi ya Newcastle United jana usiku. Mabao ya Raheem Sterling na Joe Allen alitosha kuihakikishia ushindi Liverpool ambao wamejisogeza katika nafasi ya tano wakiwa nyuma ya City walioko nafasi ya nne kwa tofauti ya alama nne hivyo kufufua matumaini yao ya kufuzu michuano ya Ligi ya Mabingwa Ulaya. Pamoja na hayo, Rodgers alimpa pongezi za kipekee nyota huyo wa kimataifa wa Brazil kwa kuonyesha kiwango mahiri katika mchezo huo. Rodgers amesema kadri siku zinavyozidi kwenda Coutinho anazidi kuimarika na kuwa mchezaji muhimu katika kikosi chake haswa katika kipindi ambacho zimebaki mechi chache kabla ya msimu kumalizika.