LOPEZ ADAI MOURINHO HAKUWA NA MATATIZO NA CASILLAS WAKATI AKIWA MADRID.

GOLIKIPA wa Real Madrid, Diego Lopez amesema Jose Mourinho alimwambia kuwa hakuwa na matatizo na Iker Casillas lakini alichofikiri ni kuwa yeye alikuwa bora zaidi wakati akiinoa klabu hiyo. Mourinho aliingia katika utata katika msimu wake wa mwisho akiwa kocha Santiago Bernabeu kwa kumuacha Casillas katika kikosi chake ambaye ni mkongwe na kumnunua Lopez kutoka Villarreal Januari mwaka 2013. Tetesi zilikuwa zikidai kuwa Mourinho na Casillas walikosana lakini Lopez ambaye kwasasa anaidakia AC Milan amesema hilo halikuwa tatizo la wawili hao. Lopez amesema Mourinho alizungumza naye na kumpa nguvu ya kupambana na chochote kilichopo mbele yake kwani alikuwa na alimwambi anamuamini na alikuwa akitaka kumsajili kwa miaka kadhaa. Golikipa huyo aliendelea kudai kuwa Mourinho alisema hana tatizo lolote na Casillas lakini anadhani yeye ndio alikuwa bora zaidi mazoezi kuliko mkongwe huyo ndio maana akachukua namba yake.