MOURINHO AANIKA MIPANGO YAKE NA CHESEA.

MENEJA wa Chelsea, Jose Mourinho amewaonya wapinzani wake kuwa anatengeneza kikosi kitakachoweza kushindana kwa muongo mmoja. Chelsea kwasasa wako kileleni mwa msimamo wa Ligi Kuu kwa tofauti ya alama nne mbele ya Arsenal huku wakiwa na michezo miwili mkononi na wanakaribia kushinda mataji mawili msimu huu baada ya kuwa tayari wamechukua lile la Kombe la Ligi. Ingawa wanakaribia kutawadhwa mabingwa wapya wa Uingereza, Mourinho amesisitiza wachezaji alionao hivi sasa hawapi kipaumbele sana na kumpongeza mmiliki Roman Abramovic kwa kuangalia wachezaji wanaochipukia ambao wataiwezesha timu hiyo kuendelea kunyakuwa mataji huko mbele. Mourinho amesema kwasasa wanaunda kikosi cha muda mrefu kwa kipindi cha miaka 10 ijayo na hilo ndio lengo la kubwa. Kocha huyo aliendelea kudai kuwa Abramovic amekuwa akimuunga mkono kwa kiasi kikubwa kuhusiana na mpango huo ambao utaendelea kuleta matunda katika klabu hiyo kwa siku nyingi zijazo.