WENGER ANA UHAKIKA WA WALCOTT KUBAKIA.

MENEJA wa klabu ya Arsenal, Arsene Wenger ana uhakika Theo Walcott atasaini mkataba mpya wa kuendelea kuichezea timu hiyo. Walcott amebakisha mwaka mmoja katika mkataba wake wa sasa na amekuwa akihusishwa na tetesi za kuhamia Liverpool. Akiulizwa kuhusiana na tetesi hizo, Wenger amesema hadhani kama Walcott ataondoka kwasababu anaamini mambo mengi mazuri yanamsubiria nyota huyo kama akiendelea kuwa nao. Walcott ameanza katika mechi tano pekee msimu huu wakati akiendelea kujiuguza majeruhi ya goti aliyopata mwaka jana. Wenger amesema mshambuliaji huyo ametoka kupona majeruhi mabaya ya goti na kadri siku zinavyokwenda anazidi kuimarika hivyo ana uhakika wataendelea kuwa naye kwa kipindi kirefu kijacho.