WENGER ATAKA USHINDI WA MAPEMA KESHO.

MENEJA wa klabu ya Arsenal, Arsene Wenger amekitaka kikosi chake kutafuta ushindi wa mapema katika pambano lao la kesho dhidi ya Reading. Kocha huyo raia wa Ufaransa amesema kuwa vijana wake wanapaswa kuanza kwa kasi na nguvu katika mchezo huo wa nusu fainali ya Kombe la FA utakaochezwa katika Uwanja wa Wembley kama kweli wanahitaji kutetea taji lao. Wenger aliendelea kudai kuwa wamehifunza kutoka msimu uliopita ambapo walihitaji changamoto ya mikwaju ya penati kuishinda Wigan katika hatua ya nusu fainali. Mechi hiyo itakuwa ni nusu fainali ya kumi kwa Wenger, huku akidai kwamba Arsenal inajiamini hasa kutokana na kushinda mechi nane mfululizo.