ANCELOTTI AJIFARIJI KUITOA JUVENTUS LIGI YA MABINGWA.

MENEJA wa klabu ya Real Madrid, Carlo Ancelotti anaamini kikosi chake kinaweza kugeuza matokeo ya mabao 2-1 waliyochapwa na Juventus na kutinga hatua fainali ya michuano ya Ligi ya Mabingwa Ulaya pamoja na kutoa sare ya mabao 2-2 katika mchezo wa La Liga dhidi ya Valencia jana. Mabingwa hao wa Ulaya sasa wako nyuma ya vinara Barcelona kwa alama nne huku kukiwa kumebaki michezo miwili katika ligi. Akihojiwa Ancelotti amesema wanahitaji kuwa mawazo chanya na kuthamini jinsi walivyocheza vyema katika mchezo huo. Kocha huyo aliendelea kudai kuwa makosa madogo madogo ndio yaliyowagharimu lakini wanahitaji kutulia na kujiandaa kwa ajili ya mchezo wao dhidi ya Juventus wiki ijayo.