BURNLEY, QPR ZAAGA LIGI KUU.

KLABU ya Burnley imekuwa ya kwanza kushuka daraja katika Ligi Kuu baada ya msimu mmoja pamoja na ushindi mwembamba waliopata dhidi ya Hull City jana. Bao pekee la Danny Ings alilofunga katika kipindi cha pili liliwahakikishia ushindi huo muhimu lakini matokeo katika mechi zingine zilimaanisha wao kuporomoka daraja. Ushindi wa ilizopata timu za Sunderland, Leicester City na Aston Villa na alama moja waliyopata Newcastle ilitosha kuifanya Burnley kutokuwa na uwezo wa kubakia Ligi Kuu. Timu nyingine iliyoshuka daraja leo ni Queens Park Rangers-QPR ambao wametandikwa mabao 2-0 na Manchester City katika Uwanja wa Etihad. QPR ambao wamebakisha michezo miwili katika Ligi Kuu hawataweza kufikisha alama zitakazowawezesha kujitoa katika nafasi tatu za chini katika msimamo wa ligi.