CHELSEA WALIKUWA JASIRI - WENGER.

MENEJA wa Arsenal, Arsene Wenger amesema ujasiri wa Chelsea ndio ilikuwa chachu kubwa ya mafanikio yao katika Ligi Kuu msimu huu. Wenger amesema jambo zuri katika kazi hiyo ni kutoogopa kupoteza na pindi timu inapokuwa na uhakika na kufikiri wanaweza kubadili matokeo wanakuwa wachezaji tofauti. Kocha huyo aliendelea kudai kuwa kocha yeyote anahitaji timu ambayo inaweza kucheza chini ya shinikizo jambo ambalo limekuwepo katika kikosi chake toka kuanza kwa mwaka huu. Wenger amesema kama wakiendelea na ari hiyo msimu ujayo hakuna shaka wanaweza kupigania taji la ligi kama Chelsea walivyofanya msimu huu.