ARSENAL KUKWAANA NA LYON, VILLARREAL NA WOLFSBURG KATIKA EMIRATES CUP.

KLABU ya Arsenal imetangaza kupambana na timu za Lyon ya Ufaransa, Villarreal ya Hispania na Wolfsburg ya Ujerumani katika michuano ya Kombe la Emirates litakalofanyika katika Uwanja wa Emirates. Michuano hiyo imekuwa ya kawaida kea Arsenal kwa ajili ya maandalizi ya msimu mpya ambapo watatakiwa kucheza Lyon Julai 25 baada ya Villarreal na Wolsburg kucheza mchezo wa ufunguzi. Siku inayoafuata Lyon watachuana na Villarreal kabla ya Arsenal kucheza dhidi ya Wolfsburg ambao utakuwa nafasi ya pekee Nicklas Bendtner kukutana na wachezaji wenzake wa zamani. Ofisa mkuu wa Arsenal Ivan Gizadis amesema wamechagua klabu hizo kwakuwa zina wachezaji wazuri hivyo ana matumaini timu hiyo itapata maandalizi ya kutosha kabla ya msimu kuanza.