DEPAY ATAMBA KUFUATA NYAYO ZA RONALDO.

MSHAMBULIAJI nyota wa kimataifa wa Uholanzi, Memphis Depay ametamba kufuata nyayo za Cristiano Ronaldo baada ya kukamilisha uhamisho wake kwenda Manchester United. Depay anatarajiwa kujiunga na United msimu ujao baada ya PSV Eindhoven kukubali dili linalokadiriwa kufikia paundi milioni 22.3 lililotolewa na United kwa ajili ya usajili huo. Meneja wa United Louis van Gaal tayari amemfananisha nyota huyo mwenye umri wa miaka 21 na Lionel Messi kama mchezaji anayefunga mabao kutoka wingi ya kulia. Akihojiwa Depay amesema amesikia watu wakimfananisha na Ronaldo jambo ambalo analifurahia na in matumaini yake ataweza kufikia mafanikio ya nyota huyo wa kimataifa wa Ureno.