GUARDIOLA AMFANANISHA MESSI NA PELE.

MENEJA wa klabu ya Bayern Munich, Pep Guardiola amemfananisha Lionel Messi na nguli wa soka wa Brazil Pele huku akiipa nafasi Barcelona kushinda taji la Ligi ya Mabingwa Ulaya. Messi aliiongoza Barcelona kushinda mabao 3-0 katika mchezo wa mkondo wa kwanza, matokeo ambayo Bayern walishindwa kuyageuza jana pamoja na kushinda mabao 3-2. Akihojiwa mara baada ya mchezo huo Guardiola amesema kwa maoni yake Messi ni mchezaji bora wa kipindi chote na anamfananisha na Pele. Barcelona sasa wanasubiri mshindi kati ya Real Madrid au Juventus watakaecheza nae fainali itakayofanyika jijini Berlin Juni 6 mwaka huu.