KANE SASA AIPIGIA MAHESABU MICHUANO YA EUROPA LEAGUE.

MSHAMBULIAJI nyota wa Tottenham Hotspurs, Harry Kane amesisitiza timu hiyo inafanya kila iwezalo kuhakikisha inafuzu michuano ya Europa League msimu ujao pamoja na kushinda mchezo mmoja kati ya sita iliyopita ya Ligi Kuu waliyocheza. Matumaini ya Tottenham kufuzu michuano ya Ligi ya Mabingwa Ulaya yalizamishwa baada ya kuchapwa mabao 3-0 na Stoke City Jumamosi iliyopita lakini uwezekano wa kufuzu Europa League bado upo. Safari za Uturuki, Ugiriki, Serbia na Italia zilikuwa sehemu ya kampeni za Spurs katika michuano hiyo msimu huu lakini Kane ambaye ametengeneza jina kwa kufunga mabao saba bado anataka tena kucheza katika amshindano hayo msimu ujao. Akihojiwa Kane amesema wanataka kushinda mataji zaidi na michuano ya Europa League ni nafasi yao ya kufanya hivyo.